shegertimes, news oromiya,oromia, and ethiopia

MESSAY   KEBEDE’S

STALEMATE & POWER SHARING

A Satirical Response

By Genenew Asafa

Dr. Messay Kebede has suddenly turned into a man with a scary vision, bordering, as it were, on the nightmare. Alone he sees a specter haunting Ethiopia in the guise of a tense political stalemate. A frightening impasse to boot, which if unaddressed, could explode into a mass-incinerating hellfire. Who will not be unnerved when a man of his background, who knows a thing or two about ‘frightfulness and terror’,  warns us that, ‘What is likely is not the Egyptian situation of the army refusing to shoot demonstrators, but the Libyan or Syrian scenario of bloody confrontation and civil war..’  Precisely when in this prophesy the bottom is to fall apart is not clear even to Messay, a philosopher turned fortuneteller. But in his new-found capacity, he has no doubt about his privileged access to ‘evidence of things unseen.’ A small wonder, then, that he claims to clearly see the shadows cast by the terrible tidings to come --- full of tumult and fury, though resilient, Ethiopia may not endure.

Download: eType1.com/f.php

ሰላም ለሰው ልጅ በህይወት መኖር ብሎም ለመሰረታዊ ኑሮው መሻሻል የመጀመሪያም የመጨረሻም ነው። ሰላም ለሰው ልጅ ሁለንተናዊ እድገት  እና ለሰለጠነ ማህበረ ፖለቲካል ኢኮኖሚ ዋልታና ማገር በመሆኑ በሁሉም የአለም መደረኮች ይዘመርለታል፤ዘብ ይቆመለታል። ባለፈው ሰሞን የኢትዮጵያን ፖለቲካ ተዋናዮችን ወደ ፍፁም ሰላማዊ፣ ህጋዊና ዴሞክራሲያዊ ትግል የሚያስገባና በኢትዮጵያ ፖለቲካ መልካምድር ላይ ውጥረት ለማንገስ ብሎ በሽብር ህገ-መንግስታዊ ሥርዓቱን ለማፍረስ የሚንቀሣቀሱትን ሽብርተኞችን፣ ደጋፊዎቻቸውንና ልሣኖቻቸው እኩይ ተግባራቸውን የማያስተናግድ የህግ ማዕቀፍ ፀድቋል። አዋጁ  የህዝቡን በሰላምና ከስጋት ነፃ ሆኖ የመኖር መሰረታዊ መብት ይበልጥ የማስከበሩን ሂደት ሰፊ ህዝባዊ መሰረትና የህግ ማዕቀፍ ምሉዕነት ለማረጋገጥ የወጣው የፀረ-ሽብርተኝነት አዋጅ ወደ ተጨባጭ ትግበራ አስገብቶታል። ይህንን ተከትሎ የሀገራችን አክራሪ የውጥረት ፖለቲካ አራማጆች ተቃዋሚዎችና ልሳኖቻቸው እያራመዱ ያሉት አቋም መድረሻቸው ወዴት ይሆን? የሚል ጥያቄ አስነስቷል።  ለሽብርተኛ ድርጅቶችንስ ለምን ጠበቃና አፌ-ጉባኤ ለመሆን ፈለጉ? የሚሉት ጥያቄዎች ለዚህ ፅሑፍ መነሻ ናቸው።

የሀገራችን ፀረ-ህዝባዊ፣ ፀረ-ዴሞክራሲ ፣ፀረ-ሰላም እና ፀረ-ህገ መንግስት የሆኑትን  ሽብርተኛ ድርጅቶችን በኢትዮጵያ ፖለቲካ መልካምድር  የሚንቀሣቀሱበትን ምህዳር ሙሉ በሙሉ በህግ ከመዘጋቱ በፊት ባለፉት 2ዐ ዓመታት እኩይ ተግባራቸውን ትተው በሀገሪቷ ሰላማዊ፣ ህጋዊና ዴሞክራሲያዊ የግንባታ ፖለቲካ አዎንታዊ ሚና ይጫወታሉ በሚል እሳቤ የተለያዩ ድርድሮችና ውይይቶች ተካሂደዋል፡፡ድርጅቶቹ ህዝባዊ ዴሞክራሲያዊና ሰላማዊ አላማ ስለሌላቸው ብዙም ውጤት አልተገኘበትም። በመሆኑም ነው ከአለም አቀፍ የረፀ-ሽብርተኝነት ህግን መሰረት በማድረግና የህዝቦችን ሰላም ለማስጠበቅ ሽብርተኝነትን የመሰየም አዋጁ ያስፈለገው።

 በዚህ  ሂደት “በሰላማዊና ዴሞክራሲያዊ ስም” የተደራጀው ነውጠኛው የትምክዕት የጥፋት ሃይልም  የብሄሮች፣ ብሄረሰቦችና ህዝቦች የማንነት ጥያቄ እና እኩልነት ተሳትፎና ተጠቃሚነት ያረጋገጠውን ህገ-መንግስት ከሌሎች ብሄሮችና ብሄረሰቦች “እንዴት እኩል እንሆናለን” በሚለው  ኢ-ሰብአዊና ኢዴሞክራሲያዊ አመለካከት ይዞ የይስሙላና የማስመሰል ሰላማዊ ፖለቲካ ሲያራምድ ቆይቶ በዴሞክራሲያዊ ምርጫ እንደማይሣካለት አረጋግጦ በተግባር ዓላማውን ለማሣካት ግንቦት 7 የተባለውን ወንጀለኛ አሸባሪ ድርጅት መስርቶ አረፈ፡፡ ይህ ሃይል ከነውጠኛውና የትምክዕት ስብስብ ከሆነው የድሮው ቅንጅት የወጣ እንደመሆኑ ሀገር ውስጥም የድሮ አጋሮቹ በተግባር ባይደፍሩትም በአስተሣሰብ እና በንግግራቸው የአሸባሪው ወንጀለኛ የግንቦት 7 ተልዕኮ አስፈፃሚዎችና የጥፋት መልዕክቱ ገደል ማሚቶዎች መሆናቸውን በግል ሚዲያዎች እና ባገኙት አጋጣሚ የመድረክና የአንድነት አመራሮችና መሠሎቹ የሚያራምዱት አቋም ግልጽ ማረጋገጫ ነው፡፡

 በፓርቲያቸው ስም የሽብርተኛ ድርጅቶችን መሰየም ተከትለው የሚያወጡት ማደነጋገሪያ መሰረተ ቢስና የሽብርተኛ ድርጀቶቸ የአጋሪነት መግላጫዎችም ይህንኑ በግላጭ ያረጋግጣሉ። እነዚህ የሀገራችን አክራሪ የውጥረት ፖለቲካ አራማጅ ስብስቦች የፊውዳል የነፍጠኛ ስርዓት የፈጠረውን ስር የሰደደ ችግርና በተፈጥሮ ክስተት የሚመጣውን ድርቅ በ20 ዓመት ውስጥ ለምን አልተቀረፈም ብለው የሀገሪቷን እድገት በዜሮ እያባዙ ከፊውዳሉ የነፍጠኛ ስርዓት ያልተሻለ አቋም ይዘው የሚናፈቁትን ስልጣን ያለ ዴሞክራሲያዊ ምርጫ በማደነጋገር ለማግኘት እንቅልፍ አጥተዋል። ባለፈው ሰሞን አንድ አሜሪካ ያለው ጓዳቸው የሰጣቸው ምክር “ተቃዋሚዎች ህዝባዊ መሰረት ስለሌላቸው ስልጣን ከኢህአዴግ ጋር መጋራት ያለው ብቸኛ አማራጭ ነው” ባላቸው መሰረት መንቀሳቀስ የጀመሩ ይመስላሉ። በሽብርተኝነት አዋጁን በማስመልከት ያወጡአቸው መሰረተ ቢስ መግላጫቸው ይህንኑ ለመተግበር ነው የሚሉ ወገኖች በዝተዋል። ማወቅ ያለባቸው መሰረታዊ ጉዳይ ግን ኢህአዴግ የሚያጋራው ስልጣን የሌውም፤ የሀገራችን የሉአላዊ ስልጣን የኢትዮጵያ ብሄሮች፣ብሄረሰቦችና ህዝቦች ነው፤ በህገ መንግስቱ በተረጋገጠው መሰረት።

 የውጥረት ፖለቲካ አራማጆች የሆኑት አክራር ተቃዋሚዎች  “በኢትዮጵያ እውነተኛ ተቃዋሚ እኛ ነን” ብለው አሁን የሚያራምዱት አቋም  የኢትዮጵያ ብሄሮችን፣ብሄረሰቦችንና ህዝቦች እኩልነትን የማይቀበለው እና “ኢትዮጵያ ለመግዛት የተፈጠርን እኛ ነን” ከሚለው የአያቶቻቸውና ቅድመ አያቶቻቸው የትምክዕት አስተሳሰብ ዳግም መልኩን በማስቀየር እየተጠቀሙበት እንደሆነ ያሳያል። መድረክ የሚባለው የውጥረት ፖለቲካ አራማጅ ስብስብ የሚሽከረከረው በዚሁ እሳቤ መሆኑ አሁን በግልፅ እየታየ ነው። እነዚህ በመድረክ ስር የተሰበሰቡት “በብሄር ስም” የተደራጁት ኦፌዴን፣ኦህኮ፣ አረናና መሰሎቹ አሁን በተግባር የትምክዕቱ አስተሳሰብ ተንበርካኪ ተላላኪዎች ሆነው ይገኛሉ ማለት ይቻላል። በመድረክ ስም የሚወጡት መግላጫዎች ለዚህ ሃሳብ ማጠናከሪያዎች ናቸው፤የመግለጫዎቹ ይዘትና መልዕክት ምን እንደሆነ ስለሚታወቅ።

የውጥረት ፖለቲካ አራማጆች አክራሪ ተቃዋሚዎች ተልዕኮ ህገ ወጥ ማደፋፈርና አመፅ በማስነሳትና ፍርሃትን በህዝቦች መካከል በማንገስ የህገ መንግስቱ ምሶሶዎችን በሃይል ማፍረስ በመሆኑ የሽብርተኛ ድርጀቶች ጠበቃ መሆናቸው አይገርምም።

የሚገርመው ኢህአዴግን ጨምሮ ሰላማዊና ዴሞክራሲያዊ የሆኑ የሀገሪቷ የፖለተካ ተዋናዎችን እና የኢትዮጵያ ህዝቦች ምንም አያውቁም ብለው  የሚያራምዱት የትዕብትና ንቀት ነው። የኢትዮጵያ ህዝቦች አያዩም ፤አይሰሙም፤አያገናዝቡም ብለው ለህዝቡና ለሀገር የሚያስቡ አስመስለው የአዞ እንባ እያነቡ የፀረ-ህዝብና የፀረ-ሰላም አሸባሪዎች ጠበቃ ሆነው መቆማቸው ለጥፋት የጋራ ተልዕኮ እንዳላቸውና ህዝቡን የሚያዩበት ኢ-ሰብአዊና ኢ-ዴሞክራሲራዊ አስተሳሰብ ከማሳየት ውጭ ምን ይባላል?፡፡ ይህ አቋማቸው ደግሞ በሰላማዊ፣ዴሞክራሲያዊና ህጋዊ ፖለቲካ የመቀጠላቸው ጉዳይ አጠያያቂ ያደርገዋል፤ የህዝቡን መሰረታዊ ሰብአዊና ዴሞክራሲያዊ መብት ተፃረው ቁመዋልና።

የጥላቻና የውጥረት ፖለቲካ አራማጅ  አክራር ተቃዋሚዎች  መዳረሻው በሰላማዊ፣ ህጋዊ እና ዴሞክራሲያዊ የፖለቲካ ትግል ህዝቦች ዘንድ ያለው ተቀባይነት  የመከነና የተዛባ ታሪካዊና ህዝባዊ መሠረት ላይ መቆሙ ባለፉት 20 ዓመታት ባራመዱት ተደጋጋሚ አስተሳሰቡና አቋም የተረጋገጠ በመሆኑ በዴሞክራሲያዊ ትግሉ መቀጠላቸው ጉዳይ እንቆቅልሽ ነው፡፡ ከዚህም የተነሣ ይመስላል የኢ-ሰብአዊ ፣ኢ-ዴሞክራሲያዊና ህገ-ወጥ ሽብርተኛ ድርጅቶችን በሞራልና በአቋም እየደገፉ በሌላ በኩል ደግሞ በህግ-የበላይነት፣ ሰብአዊና በዴሞክራሲ ጉዳዮች ላይ ከኢህአዴግ ጋር ለመደራደር እፈልጋለሁ የሚለው ሀሳባቸው የመያዣና መጨበጫ ያጣው፡፡ እነዚህ ነውጥና ፍጅት የሚያማልላቸው አክራሪዎች የቆሙበት መሠረት   ኢ-ሰብአዊና ኢ-ዴሞክራሲያዊ እሴቶች መሆኑ በተግባር ቢረጋገጥም ለህዝብ እንደቆሙ ለማስመሰል በአፍ ለህዝቡ እየማሉ ፣እየተገዘቱ  አቋማቸው ግን ህዝቡን ሲበዘብዝና ሲጨቁን ከነበረው የፊውዳል ሥርዓት በአስተሳሰብ የተዋለዱና የተጋቡ እንደመሆናቸው ይህንኑ ሥርዓት ዳግም በኢትዮጵያ ህዝቦች ለመጫን ያስባሉ፤ ያመነዥካሉ፤ ይህ ግን የኢትዮጵያ ብሄሮች፣ ብሄረሰቦችና ህዝቦች በህገ-መንግስቱ የተጐናፀፉት ሉዓላዊ የስልጣን ባለቤትነት መርህን የሚቃረን በመሆኑ ፈፅሞ የማይሳካ ነው። በዴሞክራሲያዊና በተረጋጋ ግልፅነት በሰፈነበት የፖለቲካ መድረክም እያምታቱና እያደነጋገሩ መሄድ የማይቻልበት ደረጃ ተደርሷልና።

የውጥረት ፖለቲካ አራማጅ አክራሪዎች ይህንን  ኢ-ዴሞክራሲያዊና ኢ-ሰብአዊ ስብዕና ይዘው “ስለብሄራዊ መግባባትና ስለ ህዝብ” ሲያወሩ ብሄሮች ብሄረሰቦች የሚንቅና በእኩልነት ላይ የተመሠረተ ሁሉ አቀፍ ሀገራዊ ተሣትፎአቸውንና ተጠቃሚነታቸው የሚያመክን እሣቤያቸውን እንዲንቀበል የሚጎተጉቱ ነው የሚመስሉት። በህገ መንግስቱ ላይ ብሄራዊ መግባባት ካልመጣ ብሄራዊ መግባባት በፖለቲካ ተዋናዎች መካካል  በሌላ በምን ይመጣል? በመሆኑም ነው መዳረሻቸው የሚያጠያይቀው፤የጥፋትና የፍጅት ፖለቲካ በህዝባዊ ዴሞክራሲያዊ መድረክ ቦታ ስለሌለው።

ትምክዕተኞች የሚያወሩት ብሄራዊ መግባባት “ንፁህ ኢትዮጵያዊ እኛ ነን፣ የሀገር ጠበቆች እኛ ነን” የሚለውን የአያቶቻቸውንና የአባቶቻቸውን እሳቤ ተቀብለን እኛ የየራሳችን ውብ ማንነቶችና ባህሎች ያለን ብሄሮች፣ ብሄረሰቦችና ህዝቦች የበላይነታቸውን እንድንቀበል የሚያቀርቡት ማደነጋገሪያና የተለመደው መሰሪ ሴራቸውን በውጥረት ፖለቲካ ለማሣካት መቋመጣቸውን ሰሞነኛ አቋማቸው ፍንትው አድርጐ ያሣየው፡፡ የኢትዮጵያ ብሄሮች፣ ብሄረሰቦችና ህዝቦች ግን ይህንን የትምክዕተኞች “በብሄራዊ መግባባት” ስም የሚያደናግሩት እሣቤ መተግበር ቀርቶ መስማት ራሱ በህገ-መንግስቱ የሰፈረውን የመናገር ነፃነታቸውን ለመክበር መሆኑ ሊሠመርበት ይገባል፡፡

እነዚህ በመድረክ ስር የተሰባሰቡት የትምክዕታችንና የጠባብ እንዲሁም ህዝባዊ ልማታዊና ዴሞክራሲያዊ መስመር በጥገኝነታቸው ያራገፋቸው  የውጥረት ፖለቲካን ለማስፋፋት ለወንጀለኛ ሽብርተኛ ድርጅቶች ማለትም ከኦነግ፣ ከአብነግ፣ ከግንቦት 7 እንዲሁም ከአልሽባብ ጋር በአስተሳሰብ ራሣቸው ታርቀው ሲያበቁ የዜጐች በሰላም የመኖር መሠረታዊ የሰው ልጅ መብት  የመጠበቅ ኃላፊነት ያለው መንግስት ላይ የፀረ-ሽብርትኝነት አዋጁን በማስመልከት መሰረተቢስ ዘመቻ የከፈቱት። አሊያም የሽብርተኝነትን አስተሳሰብ ተቀብለው ሲያበቁ ስለሽብርተኝነት እንዳይወራ፤እንዳይነገር ብለው በሽብረተኝነት ላይ የተቀጣጠለውን ህዝባዊ ትግል ምሉዕ ለማድረግ የወጣውን አዋጅ ቢቻላቸው ለማጣጣልና አቅጣጫውን ለማስቀየር ከልሳኖቻቸው ጋር የጥፋት ተልዕኮአቸውን ለማሳካት የዘመቱት። የህዝቡን ሰላም ምሉዕ በሆነ መለኩ ለሚያረጋግጠው ህግ ዘብ ያለቆመ ለህዝብ የመናገር ሞራልስ እነዚህ ፅንፈኞች  ከየት እንዳመጡት ለእኔ አይገባኝም።

መኢአድ በውስጥ ችግር አስከፊ ቀውስ ውስጥ እያለ የሽብርተኝነት አጋሪነት የአቋም መግላጫ በጥድፊያ መስጠቱም የሀገራችን አክራር ተቃዋሚዎች የት እንዳሉ፣ ወዴየት መሄድ እንደሚፈልጉና የማን አጋር እንደሆኑ በፀረ-ሽብርተኝነት አዋጁ እየተረጋገጠ ነው።

መንግስት  ኤርትራ በተላላኪዎቹ ኦነግና መሰሎቹ “አዲስ አበባን ባግዳድ ለማድረግ የታቀደውን የሽብር ተግባር” ማምከኑንና ይህንን አስከፊ ወንጀል ምሉዕ በሆነ መልኩ ለመከላከል ህግ የማውጣቱ ትክክልኝነት የሰሞኑ የተመድ ሪፖርት “የኦነግ አባላት ከኤርትራ መንግሥት ጋር በመተባበር  በኢትዮጵያ የሽብር ሴራ ሲጠነስሱ፣ የገበያ ቦታዎችንና የአፍሪካ ኅብረት መቀመጫ ሊያፈነዱ” እንደነበር ማረጋገጡን እና Jimma Times ሐምሌ 24/2003 ይህንኑ መዘገቡን ይታወቃል። ይህንን እውነታ ተከሎ እነዚህ ነውጥ የሚያማልላቸው አክራሪዎቹ ተቃዋሚዎችና ልሳኖቻቸው ለአቋማቸው ማስተባበያ ይሰጡ ይሆን? ለማስመሰል ግን ልሰጡ ይችሉ ይሆናል።

        የእነዚህ አክራሪ ተቃዋሚዎች አቋም ስልጣን ማግኘት እንጂ ጉዳያቸው የሀገሪቷ ዴሞክራሲያዊ አንድነት፣ ሰብአዊና ዴሞክራሲያዊ መብት መከበር እና የዜጐች ደህንነትና ሰላም እንዳይደለ በተግባር አሁን  በይፋ ተረጋግጧል ማለት ይቻላል።

        አልሽባብ የኢትዮጵያን ህልውና አጥፍቼ አዲስ አበባ ያለውን አንዋር መስጊድን በጅሃድ እቆጣጠራለሁ ብሎ ሲያውጅ የእነ መድረክ ስብስብ በጀ ማለቱ ለፀረ-ኢትዮጵያ አቋሙን አልጀብራ አንዱ ማሣያ ነው፡፡ ይህንን የከረፋ አቋም ይዘው ሲያበቁ የሀገር አሳቢ መስለው ያምታታሉ። 

        ኦነግ የኦሮሞ ህፃናትና ወጣቶችን የሚማሩበትን ትምህርት ቤቶች እያጋየ እና ወጣቶችን እያሣሣተ የበርሃ ሲሣይ ሲያደርግ እንደነበረና ከዚህም አልፎ ጥገኛ ጠባብ ፍላጐቱ በኦሮሞ ህዝብ ላይ በሃይል ለመጫን በንፁዓን  ዜጎች ላይ ዘግናኝ ድርጊቶች መፈፀሙና የተለያዩ ህዝባዊ የአገልገሎች መስጫዎችን ማውደሙን እነዚህ ፅንፈኞች አጥተውት ነው ማለት አይቻልም። የግንቦት 7 ተግባር ጠፍቶባቸው አይደለም የአጋሪነት መግለጫ ያወጡት። የጋራ የጥፋት አላማ የተነሳ ካልሆነ በቀር።

        የሰውን ልጅ በህይወት የመኖር መሰረታዊ መብትና ነፃነት የማያከብር ፀረ-ህዝብ እና ፀረ-ሰላም ሽብርተኛ ድርጅት የማይታገልና የማይቃወም  እንዴት የሰላምና የዴሞክራሲ ህዝባዊ ስብስብ ሊሆን ይችላል? የሰላም፣የዴሞክራሲና የህጋዊ ፖለቲካን የማይቀበሉና የሽብርተኝነት መሠረታዊ አቋም ደጋፊ ከሆኑት የውጥረት ፖለቲካ አራማጅ አክራሪ ተቃዋሚዎች ጋርስ እንዴት መግባባት ይችላል? የውጥረት ፖለቲካ አራማጆች አክራሪ ተቃዋሚዎች በሀገሪቷ ፖለቲካ መልካዓምድር ላይስ መዳረሻቸው ሽብርተኝነት እንዳይሆን? ዴሞክራሲያዊ ትግሉ ሰፊ ህዝባዊ ተሳትፎ ይዞ ቀጥሏል፤የኢ-ዴሞክራሲያዊ የትምክዕትና የጠባብ ስብስብ መዳረሻስ ግን ወዴየት?

ቸር ሰንበቱ