shegertimes, news oromiya,oromia, and ethiopia

አዲስ አበባ ፣ የካቲት 1 ፣ 2005 ፣ ከዛሬ ጀምሮ ለ7 ቀናት የሚቆየው የመከላከያ ሳምንት በሃገራችን በተለያዩ ዝግጅቶች እየተከበረ ነው።

''ህገ-መንንግስታዊ ታማኝነታችንና ህዛባዊ ባህሪያችን እንደተጠበቀ ይኖራል'' በሚል መሪ ቃል  ነው ፥ ለመጀመሪያ ጊዜ እየተከበረ ያለው።

የበአሉ ዋና መርሃ ግብር የሆነው የሃገሪቱን የመከላከያ ሰራዊት አጠቃላይ እንቅስቃሴ የሚያሳይ አውደ ርዕይ ፥ በኢፊዲሪ ጠቅላይ ሚኒስትር ሃይለማርያም ደሳለኝ ተከፍቷል።

አውደ ርዕዩን ከፍተኛ የመንግስት የስራ ሃላፊዎች ፣ ዲፕሎማቶች ፣ የተለያዩ የመከላከያ ሰራዊት አባላት እና ጥሪ የተደረገላቸው እንግዶች እየጎበኙት ነው።

የኢፊዲሪ መከላከያ ሚኒስቴር ሚኒስትር አቶ ሲራጅ ፈጌሳ እንዳሉት ፥ የመከላከያ ሰራዊት ሃገሪቱ የጀመረችው እድገት እንዳይቋረጥ ዘብ ከመቆም ባለፈ በተለያዩ ልማቶች ላይ ከፊት በመቅደም ለኢትዮጵያውያን ምሳሌ መሆን ችሏል።

አዲስ አበባ ፣ የካቲት 1 ፣ 2005 ፣  አንዳንድ የስራ ሃላፊዎችና ሹፌሮች የመንግስት ተሽከርካሪዎችን ቅዳሜና እሁድን ጨምሮ በስራ ቀናት ለግል ጥቅምና ለአልባሌ ተግባራት ስራ በማይሰራበት በመዝናኛ ስፍራዎችና በሌሎች አልባሌ ቦታዎች ሲጠቀሙባቸው ይስተዋላል።

ሃላፊነታቸውን በአግባቡ የሚወጡና ለህዝብ ጥቅም ብቻ የመንግስትን ተሽከርካሪዎችን የሚጠቀሙ ሃላፊዎችና አሽከርካሪዎች  እንዳሉ ሁሉ  ለግል ጥቅምና  አጸያፊ ተግባራት መፈፀሚያነት የሚጠቀሙም  እንዳሉ የፋና ብሮድካስቲንግ ኮርፖሬት ዘጋቢ ተዘዋውሮ በተመለከታቸው ቦታዎች ለመታዘብ ችሏል።

በአዲስ አበባ ፒያሳ፣ ካዛንቺስ፣ 22 ፣ በተለይ ቺቺኒያ ፣ ቦሌ እንዲሁም ፥ በአዲስ አበባ ዙሪያ በሚገኙት ሱሉልታ፣ ዱከም፣ ቢሾፍቱ ፣ አዳማና በሌሎችም አካባቢዎች ይህ ተግባር የሚፈፀምባቸው አከባበቢዎች ናቸው ።

እየተገነቡ ባሉ ረጃጅም ህንጻዎችና በየመጠጥ ቤቶች ጥጋ ጥግ ተኮልኩለው ስራ በሌለበት ከተማዋን የሚያካልሉ ፥ እንዲሁም ከአዲስ አበባ ውጪ ረዥም ኪሎ ሜትሮችን ተጉዘው በስመ መዝናናት ነዳጅ የሚያባክኑም እንዳሉ ጣቢያችን ደርሶበታል።

እነዚህ ተሽከርካሪዎች ኮድ 4 እና የመንግስት የልማት ድርጅቶች የሆኑ ኮድ 3 እና አንዳንዴም የመንግስት ሆነው ታርጋቸው በግል ተሽከርካሪዎች የተቀየሩ ተሽከርከኛሪዎች  እስከ ከባድ ወንጀል እንደሚፈፀምባቸው ተስተውሏል ።

ለመንግስትና ለህዝብ ስራ የተሰጣቸውን ተሽከርካሪዎች ለጭነት አገልግሎት ፣ ለኮንትራት ስራ ፣ ለልጆቻቸው ማለማመጃና ለሌሎችም ተግባራት እንደሚያውሉት ነው ጥቆማቸውን ለጣቢያችን የሰጡ  ግለሰቦች  የገለፁልን።